Зелка
Пролетна и есенска зелка; важна извozна култура.
Зелката содржи природни состојки кои дејствуваат како лекови против чирот. Фактот дека зелката може да помогне во лекувањето на чирот, е утврден уште во 50–те години на минатиот век, во обидите на д-р. Гарет Чени од Медицинскиот факултет при Универзитетот во Станфорд. Тој докажал дека околу 1,1 литар свеж сок од зелка на ден помага во ублажувањето на болките и го лекува желудечниот чир, како и чирот на дванаестопалечното црево поуспешно и подобро дури и од стандардните терапии.
Зелката делува благотворно при чирот на желудникот, најверојатно зајакнувајќи ја отпорноста на слузницата на желудникот.
Друга можност е дека зелката има и антибиотски својства. Во лабораториските испитувања е утврдено дека зелката уништува низа на бактерии, можеби меѓу нив и ја уништува бактеријата H. pylori, која во денешно време се смета за најодговорна за појавата на чир на желудникот.
Нутритивни вредности
На 100 g јадливиот дел (свежа, сурова зелка).
| Состојка | Количина |
|---|---|
| Енергија | 25 kcal / 104 kJ |
| Протеини | 1,3 g |
| Масти (вкупно) | 0,1 g |
| Јаглехидрати | 5,8 g |
| од кои шеќери | 3,2 g |
| Влакна | 2,5 g |
| Витамин C | 36 mg |
| Витамин K | 76 µg |
| Фолна киселина (B9) | 43 µg |
| Калиум | 170 mg |
| Калциум | 40 mg |
| Железо | 0,5 mg |
Ориентациони податоци; вистинските вредности зависат од сортата, сезоната и условите на одгледување.
Достапност по сезона
Типична понуда за регионот Струмица и Македонија.
-
Пролет март – мај
-
Есен Тековна септември – ноември
-
Зима декември – февруари
